Migrazio fenomenoak, neurri batean gutxienez, “arrazakeria ekonomikoaren” ondorioz sortzen diren prozesuak dira. Kulturartekotasuna, elkar aberastuz landu behar da, batzuen eta besteen premiak beteaz. Horretarako aisialdiaren eremua kontu hartzeko esparru eraginkorra dugu.

Helburua ez da ikasle edo talde bat beste talde batean integratzea, baizik eta guztien artean taldea edo komunitatea osatzea. Osaketa horretan bakoitzak bere ezaugarrien, ikuspuntuen, ohituren, hizkuntzen, balioen, diferentzien eta partekatzen dutenaren ekarpena egin behar du.